باتشاتا ليدي ستايل للمبتدئات — كورس أونلاين

صممت هذا الكورس للمرأة اللي بدها تتعلم الباتشاتا، لكن ما بدها يكون هدفها فقط إنها تحفظ خطوات أكثر.

بدها تشعر بجسمها أكثر. تتحرك بثقة أكبر. تكتشف أنوثتها بطريقتها. وتلاقي أسلوب يشبهها هي، مش نسخة عن حدا ثاني.

الكورس عبارة عن 10 لقاءات مسجّلة، وكل لقاء مصمم ليجمع بين تعلم الرقص، وعي الجسد والتعبير عن الذات. قبل ما نتحرك، رح نتوقف لدقيقة، رح نحكي عن فكرة أو جانب من علاقتنا بالجسم والحركة، وبعدها نترجمه إلى شيء عملي من خلال الرقص.

لأنني أؤمن أن الحركة مش منفصلة عن الإنسان اللي وراءها. كل مرة تتعلمي فيها حركة جديدة، أنتِ مش بس بتدربي جسمك على حركة… أنتِ بتدرّبي وعيك، حضورك، تنسيقك، قدرتك على التعبير، وثقتك بنفسك.

خلال الكورس، رح تنتقلي خطوة بخطوة من الأساسيات إلى الـLady Style، من غير ما تشعري أنكِ مطالبة تكوني راقصة محترفة أو عندك خبرة سابقة. رح نبني جسمك وحركتك تدريجيًا، ونتعلم كيف نستخدم القدمين، الخصر، الأكتاف، اليدين، حركة الجسم وكيف نربط كل هذه الأجزاء مع بعضها بطريقة طبيعية.

وفي نهاية الرحلة، ما رح يكون عندك فقط مجموعة من الحركات، رح يكون عندك أساس قوي، أدوات أكثر للتعبير، ووعي أكبر بجسمك… والأهم، مساحة أكبر تكوني فيها أنتِ.

هذا الكورس هو دعوتي إلكِ إنك ما تتعلمي الرقص فقط… بل تكتشفي ماذا يمكن أن يحدث لكِ عندما تسمحين لجسمك أن يتحرك بحرية. لأن الباتشاتا بالنسبة إليّ مش بس خطوات، هي طريقة نلتقي فيها بأنفسنا.